Newyddion

Digwyddiad LACA

Roedd Tîm Bwyd Menter Môn yn falch o gefnogi Bwyd a Diod Cymru yn y Pafiliwn Cymreig yn nigwyddiad LACA eleni, prif gynhadledd y DU ar gyfer sector bwyd ysgolion.
Yn y Pafiliwn, cafwyd cyfle i arddangos amrywiaeth o gynhyrchwyr bwyd a diod o Gymru, i gyd yn cynnig cynnyrch o ansawdd uchel sy’n addas ar gyfer cogyddion ysgolion. Ymhlith y busnesau oedd yn rhan o’r arddangosfa roedd Llaeth y Llan, Mario’s Ice Cream, Edwards of Conwy, Radnor Hills, Harlech Foodservice, Authentic Curries & World Foods a Castell Howell – pob un yn chwarae rhan allweddol wrth hyrwyddo bwyd maethlon, lleol ar gyfer ysgolion ledled y DU.
Roedd y digwyddiad yn gyfle gwych i gynhyrchwyr a chyfanwerthwyr ennill sylw cenedlaethol, meithrin cysylltiadau newydd, ac amlygu cryfder sector bwyd a diod Cymru. Diolch o galon i bawb a wnaeth alw heibio, ac i’r busnesau gwych a gynrychiolodd fwyd Cymreig gyda balchder yn y sector arlwyo ysgolion.

23/10/2025
09:12 - 09:12